Fyrri fyrirburafæðing, fæðingarsaga konunnar og fjölskyldu

Ef kona hefur áður fætt fyrirbura er hún í aukinni áhættu á að fæða aftur fyrir tímann. Eigi kona systur sem fætt hefur fyrir tímann er hún líklegri en aðrar konur til að eiga sjálf fyrir tímann og einnig kona sem sjálf var fyrirburi. Konur sem fætt hafa léttbura eru líklegri til að fæða aftur of létt barn, hálfsystkini sem eru sammæðra hafa tilhneigingu til að fæðast með svipaða fæðingarþyngd en hálfsystkini sem eiga sama föður sýna ekki sömu tilhneigingu. Fjölskyldusaga er þó mun veigaminni áhættuþáttur en aðrir, svo sem ástand móður á núverandi meðgöngu og reykingar (1,2).

 

Heimildir:

  1. Winkvist A., Mogren, I., Hogenberg U. (1998). Familial patterns in birth characteristics: impact on individual and population risks. International Epidemiological Association, 27. 248-54.
  2. Porter, T. F., Fraser, A. M., Hunter, C. Y., Ward, R. H., Varner, M. W. (1997). The risk of preterm birth across generations. Obstetrics and Gynecology, 90, 93-67.

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.