Verið ófeimin að spyrja

Þegar foreldrar eignast fyrirbura lenda þau í nýjum heimi þar sem talað er tungumál sem inniheldur orð eins og CPAP og apnea. Starfsfólk og sérfræðingar átta sig oft ekki á því að þeir tala mál sem ekki er jafn auðskiljalegt í eyrum foreldra. Foreldrar ættu að vera ófeimnir að spyrja spurninga um allt sem þá langar að vita. Gott ráð er að skrifa niður spurningar sem kunna að vakna á hinum ýmsu tímum og hafa meðferðis á deildina. Það er í lagi að spyrja oft um sömu hlutina og biðja um nánari útskýringar, þetta er alt svo nýtt að það er erfitt að meðtaka það. Það getur líka verið gott ráð að skrifa hjá sér punkta um það sem sagt er um ástand eða meðferð barnsins, eða jafnvel biðja starfsfólk um að skrifa orð sem vefjast fyrir. Það getur verið gott fyrir foreldra að halda dagbók á meðan á dvölinni stendru, það þarf ekki að taka mikinn tíma að skrifa nokkrar línur daglega. Það getur hjálpað fólki við að koma upplýsingum og hugsunum niður á blað og gæti verið dýrmætt fyrir foreldra seinna meir og hjálpað til að muna, setja hlutina í samhengi og gæti auki skilning á aðstæðunum betur (1)

Heimildir:

  1. Kearns, 2002a

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.