Að gera pláss barnsins persónulegt

Sumir foreldrar koma með ýmsa muni handa börnum sínum á nýburagjörgæsluna. Það getur gert plássið persónulegra og hlýlegra fyrir foreldra og barn ef barnið dvelur lengi á deildinni. Ef barnið er mjög lítið og veikt þarf sérstaklega að huga að því að hafa ekki of mikil áreiti og að koma ekki með hluti sem gætu þvælst fyrir við umönnun þess. Flestir ættu að þekkja mörkin í hvað er við hæfi og hvað ekki og hvað sé of mikið áreiti.

 

Sumir foreldrar kjósa að koma með myndir af fjölskyldumeðlimum eða myndir af formum til að setja við kassa eða vöggu barnsins. (Ef sett er á kassann er best að setja á hann utanverðan til að koma í veg fyrir að myndirnar skemmist). Sumir foreldrar hafa komið með ýmsa hluti að heiman eða gjafir sem barnið hefur fengið, svo sem hálsmen, englamyndir eða bænir, myndir frá eldri systkinum, bangsa eða leikfang og tónlist að heiman til að spila fyrir barnið. Þegar börnin eru komin í vöggu og farin að klæðast fötum geta foreldrar komið með teppi að heiman og föt til að klæða barnið. Litlar húfur og sokkar eru nauðsynlegar fyrir litla fyrirbura og er hægt að fá þær á Vökudeildinni en barnið getur einnig haft sitt eigið ef foreldrar kjósa það. Best er að gera þetta í samráði við starfsmenn og reglur deildarinnar (1).

 

Þetta er aðeins nefnt hér til að láta foreldra vita að þetta sé yfirleitt leyfilegt og til að gefa hugmyndir - foreldrar ættu alls ekki að finna fyrir pressu að þau þurfi að koma með eitthvað

 

Heimildir:

  1. Madden, 2000

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.